उदयकाे कसरी पढ्ने किताब बिमाेचन

हामी हाम्रा छोराछोरीले राम्रोसंग पढेनन भनेर चिन्ता मान्छौं। त्यति मात्र् हैन कहिलेकाहीं त कुट्ने गर्छौं र गाली पनि गर्छौं। तर पनि छोराछोरीको प्रगति नहुँदा हामीलाई दिक्क लागेर आउछ।
हाम्रा छोराछोरी भने सकी नसकी गधाले भारी बोकेर स्कुल पुग्छन, त्यहाँ पनि सर मिसहरुको कुटाइ अनि गाली, जसले गर्दा हाम्रा छोराछोरी डिप्रेशनमा जान्छन र उनीहरुको पढाइ सोचे जस्तो हुँदैन नै , कतै उनीहरुले दुर्घटना गर्ने गराउने त हैनन् ? सर्वत्र चिन्ताको बिषय हो।
हो दर्शकबृन्द ! यिनै र यस्तै चिन्ताको समाधान खोजेर पत्रकार एबम सामाजिक अभियन्ता कृष्ण छेत्री ‘उदय ‘ ले एउटा पुस्तक प्रकाशन गरेका छन्, “कसरी पढ्ने र सिक्ने ? ”
पत्रकार एबम सामाजिक अभियन्ता क्षेत्रीले, “एउटा बिद्यार्थी सफल हुन क – कसको भूमिका कस्तो हुन्छ ? बिद्यार्थी स्वयम्ले कसरी पढ्ने र ती पढेका बिषयहरुबाट कसरी सिक्ने ? उनीहरुको पढाई र सिकाईलाई सार्थक पार्न अभिभावक र शिक्षक अनि समाजको कस्तो भूमिका खेल्नुपर्छ” भन्ने बारेका उपायहरु आफ्नो पुस्तकमा दिएका छन्।
उनको पुस्तक “कसरी पढ्ने र सिक्ने ? ” पुतलीबजार प्रज्ञा प्रतिष्ठानका उपकुलपति दुर्गा शाह ‘बाबा ‘ ले नेपाली मात्रको महान चाड दशैं अन्तरगतको घटस्थापनाको दिन पारेर बुधबार पोखरामा बिमोचन गरे।
सो अवसरमा उपकुलपति दुर्गा शाह ‘बाबा’ले उक्त पुस्तक पढे पछि आफुले आफ्नो बाल्यकालको बिद्यार्थी जीवनको स्मरण गरे। स्कुले जिवनमा आफूले गलत साथी-संगति छाडेर अघि बढेको आफ्नो अनुभूति सुनाए पनि।
साहित्यकार समेत रहेका दुर्गा शाह ‘बाबा ‘ले कृष्ण क्षेत्री ‘उदय ‘ द्वारा लेखिएको “कसरी पढ्ने र सिक्ने ? ” पुस्तकमा समाबेश सिर्जनाहरु अविष्मरणीय र बहुमुल्यका रहेको टिप्पणी गरे। उनले यस पुस्तक गितहरुजस्तो मौसमी खालको नभई सदाबहार जति बेला पढ्दा पनि पढौं पढौं लाग्ने खालको रहेको जिकिर गरे। यो पुस्तक शिक्षक , बिद्यार्थी, अभिभावक जो कोहीले शिरानीमा राखेर पढ्न लायकको रहेको बताए। उनले साहित्यिक जिवनमा हाम फालेका पत्रकार एबम सामाजिक अभियन्ता कृष्ण क्षेत्री उदयको उत्तरोत्तर प्रगतिको कामना पनि गरे।
पुस्तकका लेखक कृष्ण क्षेत्री ‘उदय ‘ ले आफ्नो स्कुले जिवनमा शिक्षकहरुले कानको लोती तान्दा बेस्सरी रिस उठ्ने गरेको प्रसंग उठाउँदै कानको लोती पछाडी त स्मरण शक्तिको केन्द्र बिन्दु पो हुँदो रहेछ भनेर उतिबेला शिक्षकहरुले कानको लोती तानेको बिषयलाई आज आएर सकारात्मक रुपमा लिए।
आफूले कानून बिषय लिएर पढ्न चाहेको भए पनि के पढ्ने भन्ने कुरा नजान्दा ब्यबस्थापन बिषय लिएर पढेको स्मरण गरे। “हामीले हाम्रा छोराछोरीलाई राम्रो पढाउने नाममा घर नजिकको स्कुललाई बेवास्ता गरेर टाढा टाढाका स्कुलहरुमा पठाउने गरेका” तितो यथार्थ प्रस्तुत गर्दै लेखक क्षेत्रीले छोराछोरीलाई राम्रो पढाउनका लागि टाढाको स्कुलमा हैन नजिककै स्कुलमा पठाए पनि हुने गरी आफूले आफ्ना अनुभूतिहरु पुस्तकमा समाबेश गरेको बताए। आफुले आफ्ना अनुभूतिहरु पुस्तकमा समाबेश गर्दा आफ्ना छोराछोरीहरुले मानेका र नमानेका दुवै खालका अनुभूति समाबेश गरेको पनि जानकारी दिए।
संघर्षमा कलम” साहित्यिक समाजका अध्यक्ष कृष्ण रानाभाट “सारथी ” को अध्यक्षतमा भएको उक्त बिमोचन कार्यक्रममा फेदीखोला गाउँपालिकाकी उपध्यक्ष देउकुमारी गुरुङ, बृहत फेदीखोला-पोखरा सम्पर्क समाजका अध्यक्ष जगदिश लामिछाने, प्राध्यापकद्वय यामबहादुर पौडेल क्षेत्री दिपेन्द्र पहारी र संचारकर्मी दिपेन्द्र श्रेष्ठलगायतले उक्त पुस्तकको महत्वका बारेमा बोलेका थिए। कार्यक्रम संचालन साहित्यकार एबम पत्रकार असफल गौतमले गरेका थिए।