पोखरा । कालिका गणको टोलीले सशस्त्र प्रहरीद्वारा पोखराको फुस्रेखोला र हर्पन खोलाबाट दुई युवकको शव उदार गरेको छ ।
कालिका गणको टोलीले पोखरा १७ फेवा पावरहाउस स्थित फुस्रे खोलामा पौडी खेल्ने क्रममा एक युवा डुबेर बेपत्ता भएको खबर प्राप्त हुनासाथ सशस्त्र प्रहरीको कालिका गणबाट खटिएको बिशेष विपद उद्धार तथा गोताखोर विपद टोलीले फुस्रे खोलामा खोजतलास एवं उद्धार अप्रेसन संचालन गरि सुप्रिम पौडेलको शव उध्दार गरेको छ।
कालिका गणका गणपति एसपी अरुण पौडेल शर्माका अनुसार उक्त शव जनप्रिय माविमा कक्षा १० मा अध्ययनरत नागढुङ्गा बस्ने सुप्रिम पौडेलको हो। हालैमात्र एसईई दिई बसेका युवकहरु साथीभाइ बटुली खोलामा पौडी खेल्न जाने क्रम बढेकाले यस्ता किसिमका दुर्घटना घटिरहेको छ।
पोखरा १८ खपौंदी स्थित हर्पन खोलामा पौडी खेल्ने क्रममा डुवेको एक बालकको शबको उद्दार गरेको छ । यसरी डुबेर उद्दार गरिएका बालक स्याड्जा स्थायी ठेगाना रही हाल पोखरा ५ मालेपाटन बस्ने सोनम सुवेदी रहेको सशस्त्र प्रहरीले पुष्टी गरेको छ ।
सशस्त्र प्रहरी बल २४ कालिका गण कास्कीबाट परिचालन भएको विशेष विपद उद्दार एवं गोताखोर टोलीले हर्पन खोलामा खोज तथा उध्दार गरि शबको बाहिर निकालिएको जनाएको छ ।
आज दिउंसो दुईजना साथी हर्पनखोलामा पौडी खेल्नेक्रममा सो घटना भएको स्थानियले खबर गरेपछि सशस्त्र प्रहरी गुगेर उध्दार गरिएको कालिका गणका गणपति एसपी अरुण पौडेल शर्माले जानकारी दिएका छन् ।
पोखरामाआज एकै दिनमा दुई युवकहरुले ज्यान गुमाएकाले आफ्ना वावुनानीहरुलाई निगरानीमा राख्न समेत शर्माले अभिभावकसंग आग्रह गरेका छन।
प्रतिक्रिया लेख्नुहोस्:-