बार अध्यक्ष गाेपालकृष्ण विरुद्ध अदालतकाे अब अवहेलना मुद्दा

नेपाल बार एसोसिएसनका अध्यक्ष गोपालकृष्ण घिमिरेविरूद्ध अदालतको अवहेलनासम्बन्धी कारबाही अघि बढेको छ।सर्वोच्च अदालत प्रशासनले प्रतिवेदन उठाएर अवहेलनामा कारबाही अघि बढाएको हो।
सोमबार घिमिरेविरूद्ध मुद्दा दर्ता गरिएको र मंगलबार सुनुवाइका लागि पेसी तोकिएको सर्वोच्चका एक अधिकारीले जानकारी दिए।
गत असोज ११ गते घिमिरेले प्रधानन्यायाधीश विश्वम्भरप्रसाद श्रेष्ठले आर्थिक लेनदेनको आधारमा न्यायाधीश नियुक्तिका लागि सिफारिस गरेको गम्भीर आरोप लगाएपछि सर्वोच्चले घिमिरेविरुद्ध मुद्दा अघि बढाएको हो।