बागलुङ । बागलुङ नगरपालिका-४ कुडुलेस्थित बान्द्रेखाले बगाएर तीन जनाको गए राती मृत्यु भएको छ । मृत्यु हुनेहरूमा बागलुङ नगरपालिका-४ बान्द्रे अढाईथर बस्ने २३ वर्षीय अर्जुन सापकोटा, २२ वर्षीय अविशेक रेग्मी र २० वर्षीय कमल सापकोटा रहेका छन् ।
उक्त स्थानमा कुडुलेदेखि मालिकातर्फ जाँदै गरेको ध.२ प ८०१० नम्बरको मोटरसाइकल र घ.१ प ९९९६ नम्बरको स्कुटर बान्द्रेखाले बगाएको भन्ने खबर प्राप्त हुनासाथ जिल्ला प्रहरी कार्यालय बागलुङबाट खटिएको प्रहरीले आवश्यक उद्दार एवम् खोजी गर्ने क्रममा मोटरसाइकलका चालक अर्जुन, मोटरसाइकलमा सवार अविशेक र स्कुटरमा सवार कमलको शव फेला पारेको हो ।
यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया लेख्नुहोस्:-