काठमाडौं । काठमाडौंको चन्द्रागिरि नगरपालिकामा शंकास्पद वस्तु फेला परेको छ। बिहीबार बिहान चन्द्रागिरि नगरपालिका १२ बलम्वु स्कुल नजिकै रहेको एक घरको आगनमा शंकास्पद वस्तु फेला परेको हो ।
बिहान बलम्वु नजिकै प्रेसर कुकर बम भेटिएको खबर पाएपछि प्रहरी प्रभाग बलम्वुका प्रहरी निरीक्षक उपेन्द्र प्रसाद आचार्यको टोली घटना स्थल पुगेको छ ।
प्रहरी प्रभाग बलम्वुका प्रहरी निरीक्षक उपेन्द्र प्रसाद आचार्यले बिहान ८ बजे प्रहरीलाई शंकास्पद वस्तु फेला परेको जानकारी आएको बताउँदै झोलामा प्रेसर कुकर जस्तो देखिने वस्तु रहेको पाइएपछि नागरिकहरुलाई सुरक्षित स्थानमा जान भनेको बताए ।
घटना स्थलमा नेपाली सेनाको बम डिस्पोजल टोलीलाई खबर गरी सकेको र नेपाली सेना आउँदै गरेको प्रहरीले जानकारी दिएको छ ।
प्रतिक्रिया लेख्नुहोस्:-