पोखरा। नेपाल परिवार नियोजन संघ कास्कीले विश्व मानवीय दिवस २०२४ मनाएको छ।
स्प्रिन्ट परियोजनाको सहयोगमा विश्व मानवीय दिवस २०२४ कोे अवसरमा यौन तथा प्रजनन् स्वास्थ्यका वारेमा मानवताका लागि कार्य भन्ने नाराका साथ उक्त दिवस मनाइएको हो ।
कार्यक्रममा स्वयंसेवक, स्वास्थ्यकर्मी र सरोकारवालाहरुकोे उपस्थिती रहेको थियो । उक्त कार्यक्रममा विपदकोे समयमा गरिने न्युनतम प्रारम्भिक सेवाका प्याकेजहरुलाई विशेष गरी यौन तथा प्रजनन् स्वास्थ्यका सेवाहरुलाई छिटो छरितो र सहि तरिकाले अवलम्बन गरि उद्धार, राहत र पुनस्र्थापना लगायतका क्रियाकलाप साथसाथै अगाडि बढाउनु पर्ने बिषयमा सबैले ध्यान पुर्याउनुपर्ने निष्कर्ष निकालिएको थियो ।
विशेष गरी यस्तो विपद्को बेलामा राज्यको ध्यान अरु विषयमा बढी हुने तर गर्भवती, सुत्केरी, अशक्त, महिला, बालबालिका,किशोरीहरुको यौन तथा प्रजनन् स्वास्थ्यमा ध्यान नपुग्ने र यस्ले उनीहरूको स्वास्थ्यमा गम्भीर असर पुर्याउने हुँदा यस्ता बिषयमा सबै पक्ष बढी गम्भीर बन्नुपर्नेमा जोड दिईएको थियो ।
कार्यक्रममा प्रमुख अतिथी नेपाल परिवार नियाजन संघका केन्द्रीय महासचिव अर्जुन सिग्देलले यौन तथा प्रजनन् स्वास्थ्यमा वारेमा सवैलाई जानकारी हुनु पर्ने बताए ।
कार्यक्रममा नेपाल परिवार नियोजन संघ कास्की शाखाका वरिष्ठ शाखा प्रबन्धक नवराज तिवारीले दिवसको सन्दर्भ र विपतको समयमा प्रदान गर्नुपर्ने न्यूनतम यौन तथा प्रजनन् स्वास्थ्य सेवाका विषयमा प्रस्तुतिकरण गर्नुभएको थियो ।
नेपाल परिवार नियोजन संघ कास्की शाखाका सभापति नवीन सिग्देलको अध्यक्षतामा कार्यक्रम सम्पन्न भएको थियो ।
प्रतिक्रिया लेख्नुहोस्:-