लमजुङ । सिटिजन लाइफ इन्स्योरेन्स कम्पनी लमजुङ शाखाले शुक्रबार जगत बहादुर तामाङलाई घातकरोग दावी भुक्तानी वापत रकम हस्तान्तरण गरिएको छ ।
बिमित बच्चा छिरिङ तामाङका बुबा जगत पछिल्लो समय मुटुको रोग लागेपछि उपचार गराइरहनु भएको छ । तामाङले सिटिजन लाइफ इन्स्योरेन्स कम्पनीमा आफ्नो बच्चाको नाममा आफू प्रस्तावक रहेर पाँच लाख बिमाङ्कको बाल भविष्य योजनाको बीमा गराएका थिए ।
कम्पनीले तामाङको परिवारलाई उपचार खर्च वापत बीमाङ्कको पाँच लाखको कर कट्टी गरी रकम हस्तान्तरण गरिएको सिटिजन लाइफ इन्स्योरेन्स कम्पनी लमजुङ शाखा प्रमुख हिरा घलेले बताए ।
दुई किस्ता प्रिमियम भुक्तानी गर्नुभएका जगतले उपचारमा आर्थिक रकम प्राप्त भएपछि खुसी व्यक्त गर्दे समयमै सानो भएपनि बीमा गरेकै कारण आफुहरुलाई आर्थिक रुपमा राहत मिलेको जगत तामाङले बताए ।
कम्पनीका शाखा प्रबन्धक हिरा घलेले बोल्दै बीमा बचत र सुरक्षाको भरपर्दो माध्यम भएका कारण सबैका निम्ति अपरिहार्य रहेको बताए । बीमाले बिमितबाट रकम संकलन गर्ने मात्र नभई भवितव्य हुन सक्ने जोखिम, घातक रोग लगायतका मानिसको जीवनमा हुन सक्ने भवितव्य भौतिक क्षतिमा हुने जोखिम हस्तान्तरण गर्ने बताए ।
रकम हस्तान्तरण कार्यक्रममा सिटिजन लाईफ इन्स्योरेन्स कम्पनी लमजुङ शाखामा आवद्ध सिनियर एजेन्सी म्यानेजर पूर्णचन्द्र घिमिरे, एमडिआरटी भूपति वाग्ले , एजेन्सी म्यानेजर सुर्जेमान गुरुङ, केशव न्यौपाने, धन कुमारी गुरुङ, कुस्मि घले , रादिका दवाडी, देवी गुरुङ,चिजमाया गुरुङ लगायतको उपस्थिति रहेको थियो ।
प्रतिक्रिया लेख्नुहोस्:-