काठमाडौं । नुवाकोट, किस्पाङ गाउँपालिका-५ मानेगाउँस्थित सडकमा त्रिशुलीबाट भाल्चेतर्फ जाँदै गरेको ना.५ त ८१६२ नम्बरको ट्याक्टर अनियन्त्रित भई बिहीबार दिउँसो दुर्घटना हुँदा चालक रौतहट मौलापुर नगरपालिका-६ पथराबुद्धरामपुर बस्ने १८ वर्षीय धिरज यादवको घट्नास्थलमै मृत्यु भएको छ ।
चितवन, भरतपुर महानगरपालिका-६ प्रेम बस्तीस्थित सडकमा हाल नम्बर नखुलेको सवारी साधनले ना.१७ प ७३१३ नम्बरको मोटरसाइकललाई बिहीबार राति ठक्कर दिँदा मोटरसाइकल चालक सोही ठाउँ डेरा गरी बस्ने पर्सा वीरगंज महानगरपालिका-३ घर भएका ४० वर्षीय अमरदेव महतोको मृत्यु भएको छ । दुर्घटनामा गम्भीर घाइते भएका उनको भरतपुर सरकारी अस्पतालमा उपचारको क्रममा मृत्यु भएको हो । ठक्कर दिने सवारी साधनको प्रहरीले खोजी गरिरहेको छ ।
रूपन्देही, लुम्बिनी सांस्कृतिक नगरपालिका-६ एकलास्थित सडकमा लु.८७ प ४२१२ नम्बर र लु.२४ प ७८५ नम्बरका २ वटा मोटरसाइकल एकआपसमा ठक्कर खाई बिहीबार राति दुर्घटना हुँदा लु.८७ प ४२१२ नम्बरको मोटरसाइकलमा सवार कपिलवस्तु शिवराज नगरपालिका-३ चन्द्रौटा घर भएका २४ वर्षीय राजमन लोनियाको मृत्यु भएको छ । दुर्घटनामा गम्भीर घाइते भएका उनको भीम अस्पताल भैरहवामा उपचारको क्रममा मृत्यु भएको हो । साथै दुर्घटनामा घाइते भएका लु.८७ प ४२१२ नम्बरको मोटरसाइकलमा सवार १ जनाको मेडिकल कलेज भैरहवामा उपचार भइरहेको छ भने लु.२४ प ७८५ नम्बरको मोटरसाइकल चालकको युनिभर्सल मेडिकल कलेज शिक्षण अस्पतालमा र सोही मोटरसाइकलमा सवार अन्य २ जनाको मेडिकल कलेज भैरहवामा उपचार भइरहेको छ ।
रौतहट, गढिमाइ नगरपालिका-९ इनर्वास्थित सडकमा मिठुअवाबाट जन्ती लिएर श्रीपुरतर्फ जाँदै गरेको ना.७ त १४९९ नम्बरको ट्याक्टर अनियन्त्रित भई बिहीबार राति दुर्घटना हुँदा ट्याक्टरमा सवार माधवनारायण नगरपालिका-५ मिठुअवा बस्ने ३५ वर्षीय धर्मेन्द्र रामको मृत्यु भएको छ । दुर्घटनामा गम्भीर घाइते भएका उनको प्रादेशिक अस्पताल गौरमा उपचारको क्रममा मृत्यु भएको हो । साथै दुर्घटनामा घाइते भएका ट्याक्टरमा सवार १ जनाको ग्राण्डी अस्पताल गरूडामा उपचारको भइरहेको छ । हाल फरार ट्याक्टर चालकको प्रहरीले खोजी गरिरहेको छ ।
ललितपुर, ललितपुर महानगरपालिका-१५ सातदोबाटोस्थित सडकमा बाग्मती प्रदेश ०१-०२९ प ९०४६ नम्बरको बोलेरो गाडी आफै अनियन्त्रित भई शुक्रबार बिहान दुर्घटना हुँदा चालक रामेछाप मन्थली घर भई भक्तपुर सिपाडोल बस्ने २१ वर्षीय राम कुमार रायको मृत्यु भएको छ । दुर्घटनामा गम्भीर घाइते भएका उनको पाटन अस्पतालमा उपचारको क्रममा मृत्यु भएको हो ।
प्रतिक्रिया लेख्नुहोस्:-