पाेखरा । पब्लिक क्याम्पस प्राध्यापक संघ नेपालले गण्डकी प्रदेश स्तरीय भेला आयोजना गरेको छ । पोखरा १७ विरौटास्थित गुप्तेश्वर महादेव बहुमुखी क्याम्पसमा शनिबार भेलाको आयोजना गरिएको हो ।
भेलामा बोल्दै वक्ताहरुले गण्डकीमा पब्लिक क्याम्पसहरुको छुट्टै विश्वविद्यालयमा बनाउनुपर्नेमा जोड दिएका छन् । उनीहरुले पब्लिक क्याम्पसलाई राज्यको तीनै तहले सहयोग नगर्दा धरासायी बन्दै गइरहेको र यसका लागि विश्वविद्यालयको आवश्यकता रहेको औल्याएका छन् ।
भेलाको सम्बोधन गर्दै गण्डकी प्रदेशका मुख्यमन्त्री सरेन्द्रराज पाण्डेले पब्लिक कलेजमात्र नभई सरकारी र नीजि कलेजमै समस्या रहेको सुनाउँदै प्रदेशले स्थापना गरेको विश्वविद्यालयको औचित्य नै थाहा पाउन नसकेको धारणा व्यक्त गरे । पछिल्लो समय विद्यार्थीहरु देशको विश्वविद्यालय छाडेर विदेशीनुले ठूलो संकट आइरहेको उनकाे भनाई थियो ।
गण्डकी प्रदेश सामाजिक बिकास तथा स्वास्थ्य मन्त्री शुसिला सिमखडाले शिक्षा एेन नभएकाे कारण धेरै समस्या भएकाे शिक्षा एेन बनाएमा शिक्षाा क्षेत्रमा काम गर्न सजिलाे हुने बताइन् ।
देशमा परिवर्तनकाे लागि शिक्षककाे भुमीका बलियाे रहेकाे भन्दै जनयुद्धमा शिक्षकले सहयाेग गरेकाे जानकारी दिइन् । जनयुद्धमा शिक्षा क्षेत्रमा लागेकाले माेर्चाकाे भुमिका नै लिएर काम गरेकाे सुनाइन् ।
गण्डकी प्रदेशमा ८६ वटा सामुदायिक बिद्यालयमा १९ हजार विद्यार्थी रहेकाे जानकारी दिदै आफुले मन्त्री भएपछी गण्डकी प्रदेश सरकारले पहिलो पटक प्वलिक क्याम्पसलाई बजेट बिनियाेजन गरेको बताइन् । १ कराेड ७५ लाख छुटाएकाे जानकारी दिदै थप बजेटकाे लागी पहल गरेकाे जानकारी दिइन् ।
अहिलेकाे सरकारले नेतृत्व गरेपछी नेपाल आयल निगम र विधुत प्रधिकरण नाफामा गएको जानकारी दिदै सरकार सकरात्मक बाटाेमा हिडेकाे बताइन् । पछिल्लाे समयमा संघियताकाे बिराेध भैरहेकाे गुनासाे गर्दै हुर्केन नपाउदै निमाेठन खाेजिएकाे उनले धारणा राखिन् ।
राज्य र सराेकारवाला मिलेर काम रे शिक्षा क्षेत्रलाई राम्रो बनाउन सकिने भन्दै दुवै मिले शिक्षा क्षेत्रमा गण्डकी प्रदेश नमुना बन्ने जानकारी दिईन् ।
पोखरा विश्वविद्यालयका उपकुलपति तथा पुर्व पब्लिक क्याम्पस प्राध्यापक संघका केन्द्रिय अध्यक्ष प्रेम नारायण अर्यालले पब्लिक क्याम्पसहरुको छुट्टै विश्वविद्यालय हुन आवश्यक रहेको धारणा राखे । उनले पछिल्लो समय तराई भेगमा विश्वविद्यालय खोल्ने बढ्दो प्रतिस्पर्धाले समेत देश डुब्ने सुनाउँदै व्यवस्थित तरिकाले विश्वविद्यालय खोल्नुपर्नेमा जोड दिए ।
प्रदेशका क्याम्पस प्रमुखहरुको तर्फबाट बोल्दै शिवालय बहुमुखी क्याम्पस पर्वतका क्याम्पस प्रमुख लेखनाथ उपाध्यायले पब्लिक क्याम्पसमा पुर्वाधार भएपनि विद्यार्थीहरु नभईको गुनासो पाेखे । पब्लिक क्याम्पसप्रति विद्यार्थीहरुको चासो घट्दै जाँदा निकै समस्या खेपिरहेको उनले सुनाए ।
पब्लिक क्याम्पसलाई तीन तहका सरकारले अपहेलना गरेको उनकाे भनाई थियो । वैकुण्ठ न्यौपानेले पब्लिक क्याम्पसहरुको विश्वविद्यालय आवश्यकता रहेको औल्याए । पब्लिक क्याम्पसमा विधार्थी, शिक्षक र संरचना भएपनि संस्थागत विकास हुन नसक्दा भविष्य नै अन्योलमा रहेको बताए ।
भेलामा मुख्यमन्त्री पाण्डेलाई विभिन्न मागहरुसहित मागपत्र समेत बुझाइएको छ । साथै भेलामा विभिन्न प्राध्यापकहरुलाई सम्मान समेत गरिएको छ ।
प्रतिक्रिया लेख्नुहोस्:-