राजशान्ति फाउन्डेसन बेलायतद्वारा विद्यालयमा अध्ययनरत ६६ जना विद्यार्थीहरुलाई झोला तथा ट्रयाकसुट प्रदान गरेको छ। बेंसीशहर १ उदीपुर जनकल्याण माध्यमिक विद्यालयमा अध्ययनरत ४५ जना र राइनास ८ माझिगाउँमा अवस्थित श्री कृष्ण प्रा।वीका २१ जना गरि ६६ जना छात्रछात्रालाई विद्यालय झोला तथा ट्रयाकसुट सहयोग गरेको राजशान्ति फाउण्डेशनले जनाएको छ ।
बेंसीशहर १ उदीपुर जनकल्याण माध्यमिक विद्यालयमा अध्ययनरत ४५ जना र राइनास ८ माझिगाउँमा अवस्थित श्री कृष्ण प्रा।वीका २१ जना गरि ६६ जना छात्रछात्रालाई विद्यालय झोला तथा ट्रयाकसुट सहयोग गरेको राजशान्ति फाउण्डेशनले जनाएको छ । विद्यालको आधारभुत तहमा अध्ययनरत जेहेन्दार र विपन्न परिवारका छात्रछात्रालाई झोला सहयोग गरिएको हो ।
राजशान्ति फाउण्डेशनका सचिव समिप वि.क र प्रतिनिधि अनुज अधिकारी, विद्यालय व्यवस्थापन समितिका अध्यक्ष कृष्णप्रसाद अधिकारी, प्रधानाध्यापक सूर्यबहादुर अधिकारीले संयुक्त रुपमा विद्यार्थीलाई उक्त झोला हस्तान्तरण गरेका थिए । झोला पाएपछि आधारभुत तहमा अध्ययनरत जेहेन्दार र आर्थिक अवस्था कमजोर भएका छात्र छात्राको पढाइ नियमित गर्न सहयोग पूग्ने विद्यालयका प्रधानाध्यापक सुर्यबहादुर अधिकारीले बताए ।
विद्यार्थीले आफ्नो स्टेशनरी सामाग्री कापि कलम, किताव सुरक्षीत राख्न सक्ने र विद्यालय नियमीत गराउन ठुलो टेवा पुग्ने अधिकारीले बताए । फाउण्डेशनका संस्थापक सुन्दरबजार नगरपालिका ९ भोटेओडार घर भइ हाल बेलायतमा बसोबास गर्दै आउनुभएका राजकुमार सुनारले बालबालिकाको पढाई नियमित गराउनका लागि ३१ हजार ५ सय रुपैयाँ बराबरको झोला र २८ हजार बराबरको ड्रेस ट्याकसुट विद्यालयलाई उपलब्ध गराका हुन ।
उनले आफ्नो परिवारको सदस्यहरुले वार्षिक रुपमा कमाएको केही प्रतिशत रकम फाउण्डेशन मार्फत विभिन्न सामाजिक काममा सहयोग गर्दै आएका छन् । प्रवासमा रहेर पनि मातृभूमीको लागि केही गरौँ भन्ने सोचका साथ आफुले व्यक्तिगत तर्फबाट सहयोग गर्दै आएको फाउन्डेसनका संस्थापक राजकुमार सुनार (राजु सुनार) ले बताए । उनले आफ्नो धर्मपन्ती शान्ति सुनार र आफ्नो नाउँमा राजशान्ति फाउण्डेशन स्थापना गरेर सहयोग गर्दै आएका छन् ।
राजशान्ति फाउण्डेशनले जिल्लामा शिक्षा, स्वास्थ्य, मिडिया, साहित्य, गीतसंगीत र विभिन्न विपदमा परेका विपन्न अवस्थाका मानिसलाई सहयोग गर्दै आएको छ । मौलिक लोक संस्कृति, भेषभुषा, रीतिरिवाज, परम्पराको संरक्षण, सम्वर्धन र प्रवर्द्धन तथा मानव अधिकारका पक्षमा कृयाशिल राजशान्तिले गीत संगीतको क्षेत्रमा पनि उत्तिकै योगदान पुर्याएका छन् ।
पछिल्लो समय राजशान्ति फाउण्डेशनले निर्माण गरेको सुन्दरबजार कटेसी कुन्छा बोलको गीतले नेपाली लोक तथा दोहोरी गीतका दर्शक स्रोतामाझ निकै लोकप्रियता कायम गरेको छ ।
प्रतिक्रिया लेख्नुहोस्:-