वर्तमान सरकार हुनु र नहुनुको कुनै अर्थ छैन – उपमहासचिव गुरुङ

प्रतिनिधिसभा सदस्य एवं नेकपा एमालेका उपमहासचिव पृथ्वीसुब्बा गुरुङले भौतिक संरचनाको अभाव र सरकारको ठोस नीति नहुँदा नेपालको खेलकुदको अवस्था खस्केको बताएका छन् ।

सुन्दरबजार नगरपालिका ७, पाउँदीस्थित दोभान युवा क्लबले आयोजना गरेको दोस्रो खुल्ला वडा अध्यक्ष कप–२०८० को समापन कार्यक्रमलाई सम्बोधन गर्दै खेलकुदको विकासका लागि सरकारको कुनै योजना नभएको टिप्पणी गरे । ग्ण्डकी प्रदेशका पुर्व मुख्यमन्त्री गुरुङले नेपालमा क्रिकेट खेलको सफलताबाहेक अन्य कुनै खेलमा सफलता प्राप्त गर्न नसकेको र सरकारको ठोस नीति नहुँदा फुटवललगायत अन्य खेलको स्तर दिनप्रति दिन घट्दै गइरहेको
उनले बताए ।
उहाँले मुलुकका लागि वर्तमान सरकार हुनु र नहुनुमा कुनै अर्थ नभएको बताए। वर्तमान सरकारले कुनै पनि विकासको काम अघि बढाउन नसकेको भन्दै उहाँले विगतमा एमाले नेतृत्वको सरकारले अघि सारेका काम अलपत्र अवस्थामा रहेको बताए ।

मुलकमा खेलकुदको अवस्था राम्रो नभएको र खेलकुदको विकासका लागि निर्माण भैरहेका क्रिकेट रंगशाला साथै फुटवललगायतका खेलकुद मैदानहरु अधकल्चो अवस्थामा रहेका उनले बताए । स्थानीय तह, जिल्ला, प्रदेश तह र राष्ट्रिय तहमा कुनै पनि खेलका खेलकुद मैदानहरु व्यवस्थित हुन नसकेको उनको भनाइ छ । नेपालको खेलकुद क्षेत्रको विकास गरेर युवाहरुमा अनुशासनको विकास गर्ने, सिर्जनशील, स्वामित्वको विकास र राष्ट्रिय स्वाभिमानको रक्षा गर्ने र
राष्ट्रिय प्रतिष्ठा अन्तर्राष्ट्रिय जगतमा स्थापित गर्ने काम खेलकुद जगतको रहेको उनको छ ।

दोभान युवा क्लबको आवश्यक भौतिक संरचना नभएको र क्लब भवन निर्माण गर्नका लागि आवश्यक पहल गर्ने उनले विश्वास दिलाए ।