गण्डकी प्रदेश सरकार सामाजिक बिकास मन्त्री सुशीला सिमखडा खुकुरीको धारमा टाउको राखेर माओवादी बनाएको बताइन । माओवादी केन्द्र मादि गाउँपालिकाको जनवर्गीय संगठन मोर्चाहरुको संयुक्त भेला तथा प्रशिक्षणलाइ सम्बाेधन गर्दै जनयुद्ध पछि मात्र परिवर्तन आउँछ भनेर माओवादीले जनयुद्ध गरेकाे बताइन । उनले जनयुद्धपछी पछी जनताकाे हक अधिकार स्थापना गरेकाे बताइन् ।
प्रचण्डलाई साथ नदिएको भए परिवर्तन नहुने र जनताले अधिकार पनि नपाउने धारणा राखिन । जनयुद्धकाे स्मरण गर्दै हिजो मर्न तयार भएको मान्छे माओवादी भन्न लगाउन नहुने बताइन् ।
पार्टीले गरेकाे कामको कार्याकर्ताले प्रचार नगर्दा पार्टी कम्जाेर भएकाे सिमखडाकाे भनाइ छ ।
माओवादी केन्द्र कास्की इन्चार्ज नेत्रनाथ अधिकारी पार्टी कास्कीमा कम्जोर भएको कारण समिक्षा र छलफल गर्नुपर्ने बताए ।
जनताको जीवन बदल्न अहिले नसकिएको बताउदै जनतासँग माओवादी हुनुपर्ने बताए । माओवादीले गरेको काम जनताको घरमा पुर्याउन पर्ने समय आएको धारणा राखे ।
माओवादी केन्द्र मादि गाउँपालिका ईन्चार्ज धना गुरुङले नेताको पछि घुम्ने नेता बनेपनि पार्टी नबन्ने रहेको जानकारी दिईन् । माओवादी प्रत्यक्ष कार्यकारी प्रधानमन्त्री बनाउन खोजेपनि नभएको कारण अस्थायी सरकार भएको कारण ढिलो बिकास भएको बताईन ।
प्रतिक्रिया लेख्नुहोस्:-