राष्ट्रियता माथिको पटक पटक भएको हस्ताक्षेप हेपाहा प्रवृत्तिप्रति खेद प्रकट

पोखरा । नेपाल कम्युनिष्ट पार्टी माओवादीले भारतीय बिस्तारबादी शासकहरुको नेपाली जनता र नेपालीलाई हेप्दै राष्ट्रियता माथिको पटक पटक भएको हस्ताक्षेप हेपाहा प्रवृत्तिप्रति खेद प्रकट गरेको छ । पार्टीका महासचिव गौरबले मंगलबार प्रेस बिज्ञप्ती जारी गर्दै उक्त कार्यको खेद प्रकट गरेको हो ।

नेपाल कम्युनिष्ट पार्टी माओवादीले ०५२ सालदेखि राष्ट्रिय स्वाधिनताको पक्षमा निरन्तर लड्दै आएको सो विज्ञप्तीमा उल्लेख गरिएको छ । नेपालका दलाल नेताहरुसंग साँटकाट गरेर नेपाली जनता र नेपाल माथिको हस्ताक्षेप स्वीकार्य नभएको सो विज्ञप्तीमा जनाइएको छ ।

नेपाली भूमि लिपुलेक,लिपुवाधुरा र कालापानी जस्ता सिमानाका क्षेत्रहरुमा प्रभुत्व जमाउँदै भारतीय शासकले प्रहार गर्दै आएका छन् । भारतीय राजनैनिक प्रभावशाली मानिने भारतीय बुद्धिजीवि एसडी मुनीले नेपालको राष्टपतिमा चार जनाको नाम सिफारिस गरेको प्रति माओवादी घोर भत्र्सना गर्दै नेपालको आन्तरिक मामिलामा हस्तक्षेप नगर्न भारतीय बिस्तारबादीलाई माओवादीले चेतावनी दिएको छ ।