पोखरा ६ मा नेकपा मिश्रित अध्यक्षमा एमाले विजयी भएको छ । नेकपा एमालको तर्फबाट वडा अध्यक्षको उम्मेदवारी दिएका विष्णु भट्टराइले १ हजार ६ सय ६ मत ल्याएर विजयी भएका हुन । नेपाली कांग्रेसको तर्फबाट वडा अध्यक्षमा उम्मेदवारी दिएका जगत बहादर पहारीले १ हजार ४ सय ३९ मत मात्र पाएका छन् ।
पोखरा ६ मा खुल्ला सदस्य पहिलो बासुदेव बराल र दोस्रो दिपेन्द्र पहारी एमालेले जितेको छ । दलित महिला सदस्य शोभा जलारी र महिला सदस्य पबित्रा थापा काँग्रेसले जितेको छ ।
पोखरा १३ मा पनि मिश्रित नतिजा आएको छ । पोखरा १३ मा वडाध्यक्ष २ हजार २ सय ३४ मतको साथ एमालेका बसन्त राज बराल विजयी भएका छन् ।
महिला सदस्यमा काँग्रेसकी सुचिता तामाङ २ हजार ५ सय ४३ मतले विजयी र दलित महिला सदस्य कांग्रेसबाट रजनी परियारले २ हजार ६ सय २८ मतको साथ विजयी भएको छन् ।
खुल्ला सदस्यमा पहिलो २ हजार ४ सय ७० र २ हजार ४ सय २० मत ल्याएर शरिफ अलिमिया र बल बहादुर बराल विजयी भएका छन् ।
प्रतिक्रिया लेख्नुहोस्:-