पोखरामा नेकपा एमालेमा एक्यापका कर्मचारी नै कार्यसमिति सभापति भएका छन् । एमालेकै आचार संहिताले समेत कर्मचारी वा शिक्षक पेशामा रहेका व्यक्ति पार्टीको पदमा बस्न सक्दैनन् ।
तर, पोखरामा भने एमालेले कर्मचारी तथा शिक्षक नै रहेका व्यक्तिलाई सर्वसम्मत रुपमै पार्टीको वडा कार्यसमितिको सभापतिमा चयन गरेको हो ।
तर, राज्यको तलब खाने कर्मचारी समेत राजनीतिमा होम्मिएका छन् । कर्मचारीको जागिर खाइरहेका छन् भने अर्का तर्फ पार्टीमा लागिरहेका छन् । त्यो पनि खुलेरै पदमा ।
नेकपा एमाले पोखरा महानगरपालिका वडा ३ मा सर्वसम्मत निर्वाचित सुरेन्द्र परियार अन्नपूर्ण संरक्षण आयोजना (एक्याप) अन्तरगत पृथ्वीनारायण क्याम्पसमा रहेको संग्राहलयका कर्मचारी हुन् ।
उनी त्यहाँ सहायक पदमा रहेका छन् । त्यतिमात्रै होइन उनी पृथ्वी नारायण क्याम्पसकै शिक्षक समेत हुन् । यसरी कर्मचारीमात्र नभई एक शिक्षक समेत भएका व्यक्तिले पार्टीको जिम्मेवारी सम्हाल्दा उसको कामको प्रतिफल कस्तो रहला ?
यस्तै यस्तै संवेदनशील कुरालाई मनन् गर्दै राज्यले कर्मचारीका लागि विधेयक समेत लागु गरेको छ । नेपाल सरकार संघीय निजामति सेवाको गठन,संचाल र सेवाका सर्तहरुको व्यवस्थागर्न बनेको विधेयकको परिच्छेद १० (७०) भनेको छ ‘राजनीति क्रियाकलापमा सहभागी हुन नपाउने : निजामती कर्मचारीले राजनीतिक दल वा दलसंग आवद्ध संगठनको सदस्यता लिन, राजनीतिक क्रियाकलापमा संलग्न हुन वा अन्य कुनैपनि राजनीति गतिविधिमा भाग लिन हुदैँन्’ यस्तै बुदा ७५ ले भनेको छ ‘निर्वाचनमा भाग लिन नहुने : निजामती कर्मचारीले कुनैपनि राजनीतिक पदको लागि हुने निर्वाचनमा भाग लिने,प्रचार प्रसार गर्न, जुलुसमा भाग लिन,चन्दा दिन वा कसैका लागि मत माग्न वा निर्वाचनमा कुनै प्रकारको प्रभाव पार्न हुदैँन ।’
यसरी राज्यले विधेयक नै जारी गर्दा समेत राजनीतिमा खुलेरै लागेको देखिएको छ ।
शिक्षक /कर्मचारीले पाउँदैनन् : टिकाराम निर्वाचन कमिटि अध्यक्ष
उता नेकपा एमाले जिल्ला निर्वाचन कमिटि अध्यक्ष टिकाराम पगेनीले सरकारी कर्मचारी तथा शिक्षकलाई आचार संहिताले पार्टीको पदमा बस्न नदिने बताए ।
उनले राज्यले शिक्षक तथा कर्मचारीलाई पार्टीको सदस्यता नलिन आचारसंहिता ल्याएको बताउँदै कोहि पदाधिकारी त्यस्तो भेटिएमा पद वा आफ्नो पेशा छाड्नुपर्ने बताए ।
‘निर्वाचनमा आउनका लागि हाम्रो आचार संहिता छ शिक्षक, कर्मचारी पदमा बस्न पाउँदैनन् । उनीहरुलाई पार्टीमा छुट्टै स्थान हुन्छ ’उनले भने ।
‘पार्टी सदस्यता प्राप्त गरेको १ वर्ष भएको व्यक्तिमात्रै हाम्रो उम्मेद्वार हुन सक्छन् सदस्यका लागि । १ कार्यकाल बसिसकेको व्यक्तिमात्रै पदाधिकारीमा आउन सक्छन् त्यो खाले प्रावधान रहेको छ,’ उनले थपे‘शिक्षकहरु कर्मचारीहरु बस्न पाउँदै पाउँदैन् । हामी राख्दैनौ ।
हामी पार्टीको कमिटिमा रहेर बोर्डकास्टिङ गर्ने सर्वदलिय बैठकमा जानेकुराहरु कर्मचारी तथा शिक्षकहरुबाट हामी गर्दैर्नौ । नेपाल सरकारले पनि त्यो पब्लिस नै गरेको छ ।
त्यो विषय हामीले गर्न पाइदैन ।’ उनले यसरी पाइदैन भनिरहँदा कहाँ निर्वाचित भएको भन्ने थाहा नभएको बताए । यता नुमना निर्वाचन भइरहँदा कुनैपनि वडामा महिला नेतृत्व नआउँनु दु:खद् रहेको समेत बताए ।
पोखरामा दुखको कुरा महिला महिला आएनन् । आटँ गरेनन् । महिला वडा अध्यक्ष चुनौती रहेको अल्छि गर्नेलाई पनि सकिदिनुभयो ’ उनले भने ।
केपी ओलीले नौलो र नमुना अधिवेशन गरेको बताइरहँदा उता कर्मचारी भने आचारसंहिता विपरीत निर्वाचित भएका छन् ।
उनका अनुसार पोखराका दुई वडामात्रै कार्यसमिति आउँन बाकि रहेका छन् ।
‘मैले बुझ्दासम्म पोखरा २१ र २६ मा कार्यसमिति आउन बाकिँ रहेका छन् ’उनले भने । उनका अनुसार मादी गाउँपालिका १ देखि १२ वडाका सबै वडा अधिवेसन सर्वसम्म भएको छ ।
रुपा गाउँपालिकामा पनि १ देखि ७ सम्म सवै सर्वसम्मत नै भएको उनले बताए । यस्तै माछापुच्छ«े गाउँपालिकामा १ वडामा निर्वाचन हुन बाकीँ रहेको छ । उता अन्नपूर्ण गाउँपालिकामा सबै वडा अधिवेशन सकिएको उनले सुनाए ।
प्रतिक्रिया लेख्नुहोस्:-