आइतबार बेलुकादेखिको अबिरल वर्षाले कञ्चनपुरका अधिकांश बस्ती डुबानमा परेका छन्। महाकाली नदीमा पानीको बहाब उच्च भएपछि नदी तटीय क्षेत्रका बस्ती डुबानमा परेका प्रहरीले जनाएको छ।
।
महाकाली नदी तटीय क्षेत्रमा पर्ने भीमदत्त नगरपालिको ब्रह्मदेव बजारदेखि पिपरियासम्म र दोधारा–चाँदनी नगरपालिकाको कुतियाकबर, शान्ति टोल, निसानी टोल लगायत बस्ती बाढीको कारण डुबानमा परेका जिल्ला प्रहरी कार्यालय कञ्चनपुरका डिएसपी सिद्धराज न्यौपानेले जानकारी दिए।
‘महाकालीमा पानीको बहाब उच्च छ । नदी आसपासका बस्ती डुबानमा परेका छन्,’ उनले भने, ‘उद्धारका लागि प्रहरी र शसस्त्र प्रहरी परिचालन गरिएको छ।’
महाकाली नदीमा मंगलबार बिहान ७ बजेसम्म पानीको बहाब ४ लाख ६१ हजार ७ सय २८ क्युसेक पुगेको छ । यस्तै जिल्लाका अन्य नदीमा पनि पानीको बहाब उच्च भएपछि जिल्लाका नौ वटै स्थानीय तहका बस्ती डुबानमा परेका छन्।
प्रतिक्रिया लेख्नुहोस्:-