काठमाडौं १४ साउन । नेपालमा हरेक दिन १९ जनाले आत्महत्या गर्ने गरेको प्रहरीको एक तथ्याङ्कले देखाएको छ । नेपालमा आत्महत्या गर्नेको संख्या दिनदिनै बढ्दै गएको सो तथ्याङ्कले देखाएको हो ।
आर्थिक वर्ष २०७७र७८ मा ७ हजार १ सय १७ जनाले आत्महत्या गरेका छन । अघिल्लो वर्षको तुलनामा १४ प्रतिशत बढीले आत्महत्या गरेको बताइएको छ । आर्थिक वर्ष २०७६र७७ मा ६ हजार २ सय ४१ जनाले आत्महत्या गरेका थिए । पछिल्लो समय आत्महत्याका घटना वृद्धि हुनुमा कोरोना संक्रमण र संक्रमण नियन्त्रण गर्न सरकारले लागू गरेको निषेधाज्ञा पनि प्रमुख कारण रहेको विश्लेषण गरिएको छ ।
नेपाल प्रहरीले आर्थिक वर्ष २०७७र७८ मा गरेको काम कारबाहीका बारेमा आयोजना गरिएको पत्रकार सम्मेलनमा गत आर्थिक वर्षमा मुलुकभर ४० हजार १ सय २० वटा घटना भएका थिए । कोभिड–१९ का कारण प्रहरीको गतिविधि चलायमान हुन नसके पनि अपराध नियन्त्रणका घटनामा भने प्रहरीले आफ्नो सक्रियता तीव्र बनाएको प्रहरी प्रवक्ता प्रहरी वरिष्ठ उपरीक्षक वसन्त कुँवरले जानकारी दिए ।
प्रतिक्रिया लेख्नुहोस्:-