काठमाडौं १३ साउन । काभ्रे, रोशी गाउँपालिका ९ तिनथले बेशीस्थित सडकमा बा ५ ख ४७०२ नम्बरको टिपर अनियन्त्रित भई सडकबाट करिब १० मिटर तल खसेर मंगलबार दिउँसो दुर्घटना हुँदा टिपरमा सवार रामेछाप सुनापाती गाउँपालिका ५ बस्ने ३३ वर्षीय भिमसेन यसमाली मगरको मृत्यु भएको छ । दुर्घटनामा गम्भीर घाइते भएका उनको धुलीखेल अस्पतालमा उपचारको क्रममा मृत्यु भएको हो । घाइते भएका २ जनामध्ये १ जनाको सोही अस्पतालमा उपचार भइरहेको छ भन्ने टिपर चालक ३६ वर्षीय कृष्ण बहादुर रानामगरलाई सोही अस्पताल हुँदै थप उपचारका लागि बिएण्डबि अस्पताल ललितपुर रिफर गरिएको छ ।
मुगु, छायाँनाथ रारा नगरपालिका १४ बामस्थित सडकमा लु १ ज ४१०२ नम्बरको जिप दुर्घटना हुँदा जिपका सहचालक हुम्ला चंखेलि गाउँपालिका ३ बस्ने २४ वर्षीय हर्क ऐडीको मंगलबार दिउँसो मृत्यु भएको छ । दुर्घटनामा गम्भीर घाइते भएका उनको जिल्ला अस्पतालमा उपचारको क्रममा मृत्यु भएको हो । घाइते भएका जिप चालक सोही ठाउँ बस्ने २८ वर्षीय बल बहादुर रोकायको सोही अस्पतालमा उपचार भइरहेको छ ।
कालीकोट, शुभकालिका गाउँपालिका १ एसमोडस्थित सडकमा ना ७ ख ९५१६ नम्बरको मिनीट्रक अनियन्त्रित भई सडकबाट करिब ३ सय मिटर तल खसेर मंगलबार दिउँसो दुर्घटना हुँदा २ जनाको घटनास्थलमै मृत्यु भएको हो । मृत्यु हुनेहरुमा ट्रक चालक बैतडी भुमिराज घर भएका ३२ वर्षीय दिपक साउद र बाजुरा घर भएका ३६ वर्षीय रमेश बहादुर शाही रहेका छन् ।
झापा, दमक नगरपालिका ४ स्थित सडकमा प्रदेश २-०३-०१३ प ४७८७ नम्बरको मोटरसाइकललाई ना ४ ख ८७३० नम्बरको ट्रकले मंगलबार राति ठक्कर दिँदा २ जनाको मृत्यु भएको छ । मृत्यु हुनेहरुमा मोटरसाइकल चालक कन्काई नगरपालिका ३ बस्ने ४३ वर्षीय पुर्ण बहादुर बिष्ट र मोटरसाइकलमा सवार उनकै श्रीमती ३६ वर्षीया भिमा बिष्ट रहेका छन् । दुर्घटनामा गम्भीर घाइते भएका उनीहरूको लाईफ लाईन अस्पताल दमकमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
प्रतिक्रिया लेख्नुहोस्:-