काठमाडौं ७ साउन । आज कोरोनाभाइरसको संक्रमणबाट निको हुनेभन्दा थपिनेको संख्या दोब्बर रहेको छ भने २४ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, १२ हजार ८२९ जनाको स्वाब परीक्षण गर्दा दुई हजार ७१४ जनामा कोरोना देखिएको छ। बुधबार १२ हजार ६१६ जनाको स्वाब परीक्षण गर्दा दुई हजार ८३८ जनामा कोरोना देखिएको छ।
जसमध्ये नौ हजार १२२ जनाको पीसीआर परीक्षण गर्दा एक हजार ८५५ जनामा र तीन हजार ७०७ जनाको एन्जिटेन परीक्षण गर्दा ८५९ जनामा कोरोना देखिएको स्वास्थ्य मन्त्रालयले जनाएको छ।
आज कोरोनाबाट २४ जनाको मृत्यु भएको छ। बुधबार ३० जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ६६१ पुगेको छ।
पछिल्लो २४ घण्टामा एक हजार २८८ जना निको भएका छन्। बुधबार एक हजार ४७५ जना निको भएका थिए।
त्यस्तै, देशभर सक्रिय संक्रमितको संख्या बढेर २७ हजार ३७५ पुगेको छ। बुधबार सक्रिय संक्रमितको संख्या २६ हजार ८३२ रहेको थियो ।
प्रतिक्रिया लेख्नुहोस्:-