घरेलु मदिरा सेवन गर्दा ४ को मृत्यु

बाग्लुङ ५ साउन । बाग्लुङमा घरेलु मदिरा पिएका चार मजदुरको मंगलबार बिहान मृत्यु भएको प्रहरीले जनाएको छ । अन्य दुई जना गम्भीर बिरामी छन् । उनीहरूले सोमबार बेलुकी घरेलु मदिरा सेवन गरेका थिए ।

रोल्पाको सुनील स्मृति गाउँपालिका–५ का ३० वर्षीय प्रविन घर्ती, ५१ वर्षका रेखबहादुर राना, २१ वर्षका दीपेन्द्र पुनमगर र ३९ वर्षको दूधबहादुर रानाको मुत्यु भउको हो । मंगलबार बिहान साढे ४ बजे मृत्यु भएको प्रहरी उपरीक्षक कृष्णबहादुर पल्लीमगरले बताए ।

२६ वर्षीय रवीन्द्र पुन र ३८ वर्षीय खेमराज घर्ती गम्भीर बिरामी रहेका छन् । उनीहरूको धौलागिरि अस्पतालमा उपचार भइरहेको छ ।