काठमाडौं २ साउन। बोटलर्स नेपालले पत्रकारलाई तह लगाउन निर्देशन दिँदै माइन्युट गरेको नेपाल पत्रकार महासंघले खुलासा गरेको छ ।
लुम्बिनी सञ्चार डटकमका प्रधानसम्पादक गजेन्द्र बुढाथोकीको नामै तोकेर छानबिन गर्न र तह लगाउन निर्देशन दिएको नेपाल पत्रकार महासंघले जनाएको छ । महासंघका अनुसार पत्रकार बुढाथोकीलाई ज्यानलाई असुरक्षित हुने किसिमका धम्की दिइएको हो ।
बोटलर्स नेपालको ७३ प्रतिशत सेयर नेपाललाई थाहै नदिइ नेपाल बाहिरै किनबेच गरिएको सन्दर्भमा २०७७ मंसिरदेखि राजश्व अनुसन्धान विभागले छानबिन गरिरहेको विषयमा पत्रकार बुढाथोकीले फलोअपसहितको समाचार लेखेका थिए ।
समाचार प्रकाशन भइसकेपछि कम्पनीले ट्रेड युनियनका प्रतिनिधिलाई धम्की दिइ तह लगाउन निर्देशन दिँदै माइन्यूट बनाइएको थियो ।
घटनाप्रति महासंघले गम्भीर ध्यानाकर्षण भएको जनाउँदै पत्रकारलाई असुरक्षित बनाउने र पत्रकारविरुद्ध यस्ता निर्णय र निर्देशन गर्ने बोटलर्स नेपालको व्यवस्थापनमाथि कानुनी कारबाहीको माग गरेको छ ।
प्रतिक्रिया लेख्नुहोस्:-