पोखरा २८ असार । कोरोना महामारीको कारण देखाउदै राज्यले लगाएको सवारी संचालनको प्रतिबन्धलाई भद्र अवज्ञा गर्ने पृथ्वीराजमार्ग बस संचालक कम्पनिले जनाएको छ । पोखरामा पत्रकार सम्मेलन गर्दै कम्पनिका अध्यक्ष योगेन्द्र बहादुर के।सीले सवैप्रकारका क्षेत्रहरु चलायमान हुदाँ लामो दुरीको सवारी संचालनमा भने प्रतिबन्ध लगाउनुलाई आफुहरु माथीको राज्यले गरेको विभेद भनेका छन् ।
कोरोनाको कारण देखाएर मध्यम तथा लामो दुरीका सवारी सधान संचालन गर्न नदिनु न्यायसंगत नभएको उनको तर्क छ । मजदुरहरुको रोजिरोटी, बैकहरुको किस्ता, विमा कम्पनिहरुको दवावका कारण आफुहरु सवारी संचलन गर्नै पर्ने परिबन्धमा परेको अध्यक्ष केसीले बताए ।
सवारी संचालनको आवश्यक तयारी गरिएको र, कम्पनिका काउन्टरहरु यहि असार ३० गतेदेखी खुल्ने कम्पनिले जनाएको छ । मजदुरहरुको दैनिक रोजीरोटीको व्यवस्थाका खातिर गरिएको यो अप्रिय निर्णयबाट आउन सक्ने कुनैपनि प्रकार चुनौतीहरुको सामानाका लागि आफुहरु तयार रहेको कम्पनिका अध्यक्ष के.सीले बताए ।
बससंचालन गर्न आवश्यक स्वास्थ्य मापदण्डहरुको भने पालना गरिनेछ । लकडाउका कारण १० प्रतिशत भन्दा धेरै व्यवसायीहरु पलायन भएको, १० लाख बढि मजदुर र उनिहरुमा आश्रित ४५ लाख भन्दा धेरै नागरिकहरु प्रत्यक्ष मारमा परेको कम्पनिको भनाईछ ।
प्रतिक्रिया लेख्नुहोस्:-