काठमाडौँ २६ एजेन्सी । नेदरल्यान्डका खोज पत्रकार पिटर आर दे भ्रिसलाई गोली हानिएकोमा इन्टरनेसनल प्रेस इन्टिट्युट आइपीआईले त्रासदी व्यक्त गरेको छ । मंगरबार साँझ साढे ५ बजे आम्सटरडममा उनलाई पाँच गोली हानिएको थियो ।
दे भ्रिस अपराध विधामा पत्रकारिता गर्ने वरिष्ठ खोज पत्रकार भएको इन्टिट्युटले उल्लेख गरेको छ । उसले दन्डहीनता हुन नदिन र अपराधमा संलग्न सबैलाई आवश्यक कारबाहीको लागि डच अधिकारीहरुसँग आग्रह गरेको छ । पत्रकार दे भ्रिसलाइ एक गोली टाउकोमा लागेको छ । उनलाई गम्भीर चोट लागेको हो ।
नेदरल्यान्डको अपराधिक अन्डरवोल्ड गिरोहको बारेमा उनले खोजी समाचार गरेका थिए । हालसम्म तीन जनालाई पक्राउ गरिएको छ । गोली हानिएका पत्रकार दे भ्रिस अस्पतालमा जीवन मरणको संघारमा छन् । ‘बहादुर अपराध पत्रकार पिटर आर दे भ्रिसलाइ गोली हान्नु नेदरल्यान्डको पत्रकार समुदाय, प्रेस स्वतन्त्रता, डच समाज र लोकतन्त्रमाथीकै प्रहार हो’, आइपीआईका उपनिर्देशक स्कट ग्रिफेनले भने, ‘हामी पिटर, उनको परिवार र साथीहरुलाई पूर्ण सहयोग र एक्यवद्धता व्यक्त गर्दै पिटरको चाडो स्वाथ्य लाभको कामना गर्छौ ।’
पत्रकार आक्रमणको विरोध आइपीआईका साथै नेदरल्यान्डका प्रधानमन्त्रीले समेत गरेको आइपीआइको आधिकारिक वेबसाइटले उल्लेख गरेको छ ।
६४ वर्षीय पत्रकार दे भ्रिसलाई नजिकैबाट गोली हानिएको थियो । नेदरल्यान्डको आरटिएल बोउलीभार्ड नामक एक टेलिभिजन कार्यक्रमामा अतिथि भएर फर्कने क्रममा उनलाई गोली हाानिएको हो ।
आफ्नो पत्रकारिताको कर्मका दौरानमा दे भ्रिसले दे टेलिग्राफ र आग्लेमिन दागब्लाद जस्ता पत्रिकामा काम गरेका थिए । पछिल्ला दुई दशकमा भने उनी आफ्नै अपराधिक टेलिभिजन कार्यक्रमहरु संचालन गर्दै आएको आइपीआइले उल्लेख गरेको छ ।
प्रतिक्रिया लेख्नुहोस्:-