आज मिति २०७८ असार २४ गते देखि २८ गते बैंकिङ समयसम्म युनियन लाइफ इन्स्योरन्स कम्पनी लिमिटेडले ६४ लाख ५० हजार कित्ता साधारण शेयर (सामुहिक लगानी कोष र कर्मचारीहरुलाई समेत) प्रारम्भिक सार्वजनिक निष्काशन (IPO) जारी गरेको छ। रितपूर्व आवेदन नआए निष्काशन श्रावन ७ गते सम्म खुल्ला रहने छ।
कम्पनीको जारी पूंजी रु.२ अर्ब १५ करोडको (३०%) हुन आउने रु.६४ करोड ५० लाख रकम बराबरको प्रति शेयर रु.१०० अंकित दरका ६४ लाख ५० हजार कित्ता साधारण शेयर मध्ये ३ लाख २२ हजार ५ सय कित्ता शेयर (कुल निष्काशनको ५%) कर्मचारीहरुलाई र ३ लाख २२ हजार ५ सय कित्ता शेयर (कुल निष्काशनको ५%) सामुहिक लगानी कोषको लागि सुरक्षित गरी बाँकी रहने ५८ लाख ५ हजार कित्ता साधारण शेयरहरु प्रारम्भिक सार्वजनिक (IPO) मार्फत बिक्री गर्न लागेको हो।
इच्छुक लगानीकर्ताहरुले न्युनतम १० कित्ता देखि अधिकतम ३२,२५० कित्तासम्म आवेदन दिन सक्नेछन। कम्पनीको आइपिओमा नेपाल धितोपत्र बोर्डबाट स्वीकृति प्राप्त गरेका सि-आस्बा सदस्य बैंक तथा वित्तिय संस्थाहरु र तिनका शाखा कार्यालयहरु तथा मेरो शेयर सफ्टवेयर प्रयोग गरी सि-आस्बा प्रणाली मार्फत पनि आवेदन दिन सकिने छ। यस्तै, कम्पनीले निष्काशन तथा बिक्री प्रबन्धकको कार्य गर्न प्रभु क्यापिटल लिमिटेडलाई नियुक्त गरेको छ।
प्रतिक्रिया लेख्नुहोस्:-