जनकपुर २२ असार । प्रादेशिक अस्पताल जनकपुरमा उपचार अभावका कारण एक महिलाको मृत्यु भएको छ । अस्पतालको लापरबाहीका कारण उनको मृत्यु भएको परिवारजनले आरोप लगाएका छन् ।
अस्पताल पुर्याइएको घण्टौँ बितिसक्दासमेत उपचार पाउन नसक्दा धनुषाको धनौजी गाउँपालिका वडा नम्बर–४ बस्ने करिब ४० वर्षीया रेश्मादेवी मुसहरको ज्यान गएको हो ।
उनका पति रामचन्द्र सदा मुसहर आफूले पत्नीलाई लिएर मंगलबार दिउँसो करिब साढे २ बजे प्रादेशिक अस्पतालको इमर्जेन्सी कक्षमा पुगे पनि अस्पतालले समयमा उपचार नगर्दा पत्नीको मृत्यु भएको बताउँछन् ।
अस्पताल ल्याएपछि त्यहाँ ड्युटीमा रहेका स्वास्थ्यकर्मीले बिरामीलाई त्यतिकै छाडेर आफ्नो काममा व्यस्त भएको र बिरामीको मृत्यु भइसक्दा समेत कुनै वास्ता नगरेको उनले आरोप लगाए ।
वार्डमा रहेका स्वास्थ्यकर्मीलाई जति आग्रह गरे पनि कसैले कुनै सुनुवाइ नगरेको उनको आरोप छ । उपचार नगरी हेलचेक्रयाइँ गरेकोले मृत्यु भएको उनको दाबी छ ।
प्रतिक्रिया लेख्नुहोस्:-