लेखनाथ १८ असार । तालचोक कृषि सहकारी संस्था लिमिटेड पोखरा २७ ले आफ्नो स्थापना दिवश पारेर शुक्रबार श्रीकृष्ण प्रणामी बृन्दाबन धाम डाँडाकोनाकलाई खाद्यान्न सहयोग गरेको छ ।
सहकारीले बालबालिका लागि चामल दाल, तेल, आलु मसला, विस्कुट र चिउरा लगायतका खाद्यान्न सामाग्री हस्तान्तरण गरेको हो । खाद्यान्न सामाग्री हस्तान्तरण गर्दै, संस्थाका अध्यक्ष उत्तम भण्डारीले कोभिड १९ को संकटको समयमा आश्रममा सामाजिक उत्तरदायित्व अन्र्तगत सहयोग गरिएको बताए ।
संस्थाले चौथौ बार्षिकोत्सवको अवसर पारेर आश्रमलाई मास्क, सेनिटाइजर लगायतका सामाग्री समेत हस्तान्तरण गरेको हो । कार्यक्रममा श्रीकृष्ण प्रणामी तथा बृन्दाबन धामका गुरु स्वामी विष्णु बसिष्टले दाताहरुको सहयोगले आश्रमका रहेका जेष्ठ नागरिक र बालबालिकालाई दैनिक जीवनयापनमा सहज हुँदै आएको बताए ।
सहकारीका संस्थाका अध्यक्ष उत्तम भण्डारीको अध्यक्षतमा भएको कार्यक्रममा संस्थाका सचिव नवराज पौडेलले संचालन गरेका थिए । सहयोग हस्तान्तरण कार्यक्रममा संस्थाका पदाधिकारी र कार्यसमितिका सदस्यहरुको सहभागिता रहेको थियो । सहकारीमा तीन सय १० जना शेयर सदस्य रहेका छन् ।
'समाजको ऐना, हामी सत्यमा विश्वास गर्छौं।' गण्डकी प्रेस पोखराबाट सञ्चालित अनलाइन न्युज पोर्टल हो । यस न्युज पोर्टल मार्फत हाम्रो समाज हुने गरेका विकृति, विसंगति, सामाजिक विषयवस्तु, विकास एवं विभिन्न घटनाहरुको सम्प्रेषण गर्दै समुदायलाइ सु-सुचित गर्ने हाम्रो उदेश्य हो ।
गण्डकी प्रेस प्रा.लि. द्वारा संचालित
सूचना तथा प्रशारण विभाग दर्ता नं. २६१४/०७७-०७८


























प्रतिक्रिया लेख्नुहोस्:-