काठमाडौँ १७ असार । कोरोना भाइरस संक्रमणको असर आमजनजीवन र व्यवसायका सबै क्षेत्रमा झैँ पर्यटन क्षेत्रमा पनि परेको छ । नेपालमा पर्यटन व्यवसाय झन्डै शून्यको अवस्थामा छ ।
संस्कृति, पर्यटन तथा नागरिक उड्डयन मन्त्रालयले सार्वजनिक गरेको ‘नेपाल टुरिजम स्टाटिस्टिक २०२०’ अनुसार नेपालमा सन् २०१९ को तुलनामा सन् २०२० मा विदेशी पर्यटकको संख्या झन्डै ८१ प्रतिशतले घटेको छ ।
सन् २०१९ मा हवाई मार्गबाट ९ लाख ९५ हजार ८८४ जना र स्थलमार्गबाट २ लाख १ हजार ३०७ जना गरी कुल ११ लाख ९७ हजार १९१ जना पर्यटक नेपाल आएका थिए ।
सन् २०२० मा हवाईमार्गबाट १ लाख ८३ हजार १३० जना र स्थलमार्गबाट ४६ हजार ९५५ गरी एक कुल २ लाख ३० हजार ८५ जना पर्यटक नेपाल आए । सन् २०१९ को तुलनामा सन् २०२० मा कुल पर्यटक संख्या ८० दशमलव ८ प्रतिशतले घटेको छ । यसै गरी, हवाई मार्गबाट आउने पर्यटकको संख्या ८१.६ प्रतिशतले र स्थलमार्गबाट आउनेको संख्या ७६ दशमलव ७ प्रतिशतले घटेको छ ।
प्रतिक्रिया लेख्नुहोस्:-