पोखरामा अघोषित लोडसेडिङ बढ्दो

पोखरा १६ असार । पछिल्लो समयमा पोखरा र पोखरा आसपासका क्षेत्रमा बिजुली कटौती गर्ने समस्या बढ्दै गएको छ । यसको विरुद्धमा सामाजिक संञ्जालमा विरोध गरेको गरेको देखिन्छ ।
पछिल्लो समयमा त पोखरा र पोखरा आसपासका केही विद्युत वितरण केन्द्रमा विरोध गर्ने कार्याक्रम पनि बढ्न थालेका छन् । त्यस्तैगरि पोखरा मालेपाटनको वितरण केन्द्रमा बुधबार हाम्रो परिर्वतन नेपालले धर्ना दिएको छ । हाम्रो परिर्वतन नेपालको अगुवाइमा विद्यार्थी, शिक्षक, सर्वसाधरण लगायतले धर्ना दिएका छन् । भने केही दिन अघि मात्र पनि लेखनाथ विद्युत वितरण केन्द्रमा केही स्थानियले गुनासो गरेका थिए ।

यता मालेपाटनको वितरण केन्द्रका प्रमुख ऋषिकुमार वर्मलालले अझै केही महिना बिद्युत जाने आउने समस्या हुने बताए । हावाहुरी, बाढी पहिरोको कारण तारमा विद्युत घरि थोरै आउने घरि धेरै आउने लगायतका समस्याले लोडसेडिङ हुने बताए ।
यता निरन्तर बिजुली दिनको लागि परिर्वतन नेपालले ध्यानाकर्षण गराएको छ ।