काभ्रे १६ असार । बनेपा नगरपालिका वडा नम्वर ११ सिनागालमा एक व्यक्तिले आफ्नो छोरा र श्रीमतीको हत्या गरेका छन् । हत्या भएको १४ दिन पछि हत्या उनले श्रीमान कमल भनिने माधवप्रसाद घिमिरेले आफुले हत्या गरेको प्रहरीलाइ बयान दिएका छन् ।
गत २ गते श्रीमती र छोराको हत्या गरेका कमलले हत्यापछी धेरै डोज सिलामोल प्रयोग गरेको कारण बिरामी भएका थिए । प्रहरी निगरानीमा अस्पतालमा उपचारार्थ उनको असार १३ गते डिस्चार्ज भएको थियो । डिस्चार्जसँगै प्रहरी हिरासतमा रहेका उनले आमा छोराकै हत्या आफुले गरेको स्विकारेका हुन् ।
‘पाँचखाल नगरपालिका घर भई बनेपा ११ मा डेरामा बसोबास गरी बनेपाको नालादोवाटोमा पसल गरी बस्ने ३० बर्षिया मनिषा कार्की घिमिरे उपाध्याय र उनको ६ बर्षिय छोरा युवान घिमिरेको हत्या गरेर आफु भाग्ने योजना बनाएको तर असफल भएको कमलले प्रहरीलाई बयान दिएको जिल्ला प्रहरी कार्यालय काभ्रेका प्रहरी प्रवक्ता डिएस्पी हरि खतिवडाले बताए ।
हत्या गरिएको २४ घण्टासम्म शव ब्यवस्थापन गर्न, घटना लुकाउन र आफु पनि फरार हुन अनेकन प्रयास गरेको तर नसके पछि घटनाका बारेमा सार्वजनिक भएको घिमिरेले प्रहरीलाई बयानमा भनेका छन् ।
प्रेम विवाह गरी भारतको आसामबाट काभ्रेको धुलिखेल आएका कमल र मनिषा एक अर्कालाई धेरै मन पराउने भए पनि पछिल्लो समय कमलको अर्को युवतीसँग चलेको प्रेम चक्कर, मोवाईलमा खेलिने गेमबाट लागेको ऋण र अन्य कारणबाट सम्वन्धमा दरार उत्पन्न भएको थियो । बनेपा नगरपालिका वडा नम्वर ११ सिनागाल स्थित बानियाँ टोलमा १० महिना अघि डेरा सरेका कमलले असार २ गते मनिषा र युवानको हत्या गरेका थिए । हत्याका बारेमा अझै थप अनुसन्धान भईरहेको प्रहरीले बताएको छ । अस्पतालमा गरिएको पोस्टमार्टम रिपोर्ट, भिसेरा लगायतका अन्य परिक्षणका प्रमाणहरु जुटिसकेका छैनन । प्रहरीले हत्या गरेको स्विकार्नु अगावै त्यसको तथ्य प्रमाणहरु संकलन गरिसकेको थियो । अझै अनुसन्धानमै रहेको प्रहरी प्रवक्ता डिएस्पी हरि खतिवडाले बताए ।
प्रतिक्रिया लेख्नुहोस्:-