नेकपा एमालेको दशौं महाधिवेशन आयोजक समितिको बैठक आज बस्दै

काठमाडौं १६ असार । नेकपा एमालेको दशौं महाधिवेशन आयोजक समितिको बैठक बुधबार बस्दै छ । आजका लागि बोलाइएको महाधिवेशन आयोजक कमिटीको बैठक बस्ने प्रवक्ता प्रदीप ज्ञवालीले जानकारी दिएका छन् । बिहान ११ बजेका लागि उक्त बैठक बोलाइएको छ।
पार्टी संरचना २०७५ जेठ २ कै अवस्थामा फर्काउने निर्णय गरेको नेकपा एमालेले आज बालुवाटारमा दशौं महाधिवेशन आयोजक कमिटीको बैठक राखेको छ। मंगलबार बसेको स्थायी कमिटी बैठकले पुरानै संरचनाअनुसार पार्टी सञ्चालनको निर्णय गरेको थियो।