श्री एयरलाइन्समा कोभिडको खोप लगाएकालाई १० प्रतिशत छुट

काठमाडौं १८ असार । निजी हवाई सेवा प्रदायक कम्पनी श्री एयरलाइन्सले आन्तरिक उडानमा हवाई यात्रा गर्ने यात्रुलाई १० प्रतिशत छुट दिने भएको छ।
एयरलाइन्सले कोभिडको खोप लगाएका यात्रुलाई टिकटमा १० प्रतिशत छुट दिने योजना ल्याएको हो। यसका लागिा यात्रुले खोप कार्ड भने अनिवार्य रुपमा पेस गर्नुपर्ने एयरलाइन्सले जनाएको छ। एयरलाइन्सले सबै काउन्टरबाट टिकट काट्नेलाई यो छुट दिने भएको हो। श्रीले अहिले धनगढी, नेपालगञ्ज, पोखरा, भैरहवा, विराटनगर, भद्रपुर र सिमरामा उडान गर्दै आएको छ।