काठमाडौं । अमेरिकी सहयोग परियोजना मिलेनियम च्यालेन्ज कर्पोरेशन एमसीसी की उपाध्यक्ष फातिमा सुमारले नेपालले एमसीसी सम्झौता अनुमोदन गरेसँगै थलिएको नेपालको अर्थतन्त्र उकासिने बताएकी छन् ।
चार दिने भ्रमणका लागि नेपाल आएकी उपाध्यक्ष सुमारले आइतबार आयोजित पत्रकार सम्मेलनमा एमसीसी सम्झौता जतिसक्दो छिटो अनुमोदन गरिन्छ त्यति चाँडो थलिएको नेपालको अर्थतन्त्रलाई फाइदा पुग्ने उनले बताइन् ।
उनले भनिन्, ‘नेपालले जतिसक्दो छिटो यो सम्झौता अनुमोदन गर्छ त्यत्ति नै नेपालको थलिएको अर्थतन्त्रलाई यसले फाइदा गर्छ ।’
एमसीसी सम्झौताका विषयमा नेपालको संसदले छिटो निकास दिनुपर्ने पनि उनले बताएकी छन् । उनका अनुसार अब नेपालको संसदबाट एमसीसी सम्झौता पारित हुन्छ ।
उपाध्यक्ष सुमारले नेपालसँगको एमसीसी सम्झौता नेपाल सरकारकै आग्रहमा भएको यो अनुमोदन नभई कार्यान्वयनमा नजाने पनि बताएकी छन् । साथै, एमसीसी सम्झौता भएपछि नेपालमा ८ वटा सरकार बनिसकेको र ती सबै सरकारले कार्यान्वयनको प्रतिबद्धता जनाएको पनि उनले उल्लेख गरिन् ।
प्रतिक्रिया लेख्नुहोस्:-