पोखरा १५ साउन । वरिष्ठ साहित्य सर्जक प्रमोद प्रधानको बाल कविता सङ्ग्रह ुरसैरस रसिलीु र अर्का वरिष्ठ साहित्य सर्जक विजयराज आचार्यको बाल कथा सङ्ग्रह स्वयम्भूका आँखाहरुु भर्खरै जुममार्फत विमोचन भएको छ। दुबै कृति नेपाल ललितकला प्रज्ञा प्रतिष्ठानका कुलपति श्री केके कर्माचार्यले विमोचन गरे ।
‘रसैरस रसिली’ माथि बालसाहित्यकार, समालोचक एवम् लमजुङस्थित ईशानेश्वर क्याम्पसका प्रमुख रमेशचन्द्र घिमिरेले समीक्षा गर्नुभएको थियो भने ुस्वयम्भूका आँखाहरूु माथि बालसाहित्य साधक, सम्पादक एवम् प्रसिद्ध बालकथाकार शाश्वत पराजुलीले समीक्षा गरे ।
बाल वाङ्मय तथा अनुसन्धान केन्द्रले आयोजना गरेको यस कार्यक्रममा केन्द्रका सल्लाहकार प्रा. रामकुमार पाँडे सभापति थिए ।
दर्जिलिङ, मुम्बई, सिक्किम, नर्वे र नेपालका ७२ जना साहित्यअनुरागी सहभागी रहेको विमोचन कार्यक्रममा संस्थाकी कोषाध्यक्ष शान्ति सापकोटाले स्वागत गर्नुभएको थियो भने सचिव मञ्जु पौडेल ज्ञवालीले धन्यवाद ज्ञापन गरे ।
कार्यक्रमको सञ्चालन महासचिव अनन्त वाग्लेले गरेका थिए ।
प्रतिक्रिया लेख्नुहोस्:-