काठमाडौं । चितवन, खैरहनी नगरपालिका-१० कठारस्थित सडकमा ना.५ ख ३९८ नम्बरको बस र प्रदेश.३-०३-००१ प ४७९५ नम्बरको मोटरसाइकल एकआपसमा ठक्कर खाई बिहीबार बिहान दुर्घटना हुँदा मोटरसाइकल चालक सोही ठाउँ बस्ने ५५ वर्षीय बसन्त कुमार चौधरीको मृत्यु भएको छ । दुर्घटनामा गम्भीर घाइते भएका उनको एलाइभ अस्पताल भरतपुरमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
भोजपुर, भोजपुर नगरपालिका-५ डाँडाटोल बोखिमस्थित सडकमा तल्लो बोखिमबाट ट्याम्केतर्फ जाँदै गरेको प्र.१-०२-००२ च ६९२३ नम्बरको स्कार्पियो गाडी अनियन्त्रित भई बिहीबार बिहान दुर्घटना हुँदा स्कार्पियोमा सवार झापा गौरादह नगरपालिका-७ बस्ने ६६ वर्षीय झंक बहादुर घलेको मृत्यु भएको छ । दुर्घटनामा गम्भीर घाइते भएका उनको जिल्ला अस्पताल भोजपुरमा उपचारको क्रममा मृत्यु भएको हो । साथै दुर्घटनामा घाइते भएका स्कार्पियो चालक समेत ९ जना मध्ये २ जनाको सोही अस्पतालमा र ३ जनाको काठमाडौंस्थित केएमसि अस्पतालमा उपचार भइरहेको छ भने ४ जनालाई थप उपचारको लागि नोबेल अस्पताल विराटनगर रिफर गरिएको छ ।
म्याग्दी, रघुगंगा गाउँपालिका-३ पिल्लेस्थित सडकमा राहुघाट हाइड्रोपावरको डिपी २ ए ७५६८ नम्बरको टिपर सडकबाट करिब ३ सय मिटर तल खसेर गए राति दुर्घटना हुँदा चालक भारत उत्तर प्रदेश बखरिया घर भएका ३३ वर्षीय दशरथ यादव र सहचालक भारत मध्य प्रदेश भेलबारी घर भएका ४० वर्षीय शत्रुधन रजकको घटनास्थलमै मृत्यु भएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया लेख्नुहोस्:-