पोखरा ८ भदौ । सामुदायिक प्रहरी सेवा जिल्ला समन्वय समिति कास्कीले पोखरामा अन्तरक्रिया कार्यक्रम सम्पन्न गरेको छ । पर्यटकीय राजधानी पोखराको समस्या, चुनौति र सुरक्षा सम्बन्धी सरोकारवाला निकायसँग अन्तरक्रिया कार्यक्रम सम्पन्न गरेको हो ।
पोखरा ६ जरेवरस्थित फिस्टेल पार्टी प्यालेसमा सम्पन्न कार्यक्रममा नागरिकहरुले रात्रिकालिन सेवालाई कडा गर्न माग गरेका छन् ।
राज्य निकायलाई आम नागरिकले विशेषगरी चौविसै घण्टा खुल्ला हुने लेकसाइड क्षेत्रको बार, डान्सबार, क्लबहरुले दुःख हैरानि दिएका कारण त्यसलाई कडाइ गर्नुपर्नेमा जोड दिएका हुन् ।
कार्यक्रममा सहभागि भएका स्थानीय मंगल नेपालीले पर्यटन क्षेत्र भनिरहँदा आउने पर्यटकलाई सडक मानव, सडक बालबालिकाले निकै कष्ट दिने गरेको र त्यसको अन्त्य गर्न आवश्यक रहेको बताए ।
पुर्व वडाअध्यक्ष जगतबहादुर पहारीले नाइट क्लबको कारण आम पर्यटकलाई निकै सास्ती भइरहेको बताए । १६नम्बर गल्लीमा रहेको क्लब व्यवसायीले मापदण्डको पालना नगरि आफ्नो मनमर्जीले काम गर्दा घटनाहरु समेत घटिरहेको सुनाए ।
स्थानीय शान्ति पहारीले महिला तथा बालबालिका सुरक्षित नभएको सुनाइन् । नाइट क्लब र बारका कारण विहानको समयमा समेत लेकसाइडमा घुम्ने वातावरण नभएको बताइन् । जिल्ला ट्राफिक प्रहरी कार्यालय कास्कीका प्रमुख भानु शर्माले लेकसाइड क्षेत्रमा चेकिङ गर्दा निकै दुःख पाउने गरेको सुनाए । उनले विभिन्न बहानामा चेकिङको विरोध भएको र हिट एण्ड रनको घटना बढ्दो क्रममा रहेको बताए ।
जिल्ला प्रहरी कार्यालय कास्कीका प्रमुख एसपी मोहन कुमार थापाले रात्रिकालिन सेवामा प्रभावकारी अनुगमन हुन नसकेको स्विकार गर्दै यसमा नागरिकको समेत साथ र सहयोगको खाँचो रहेको बताए । नागरिकले उठाएका गुनासोको आजैबाट सम्बोधन गर्ने गरि कार्य गर्ने उनले प्रतिबद्धता व्यक्त गरे ।
कास्कीका प्रमुख जिल्ला अधिकारी भरतमणि पाण्डेले कुनैपनि व्यवसाय सञ्चालन गर्दा कानुनले तोकेको मापदण्ड पालना गरेको हुनुपर्ने बताए । सर्त पालना गर्नु व्यवसायको कर्तव्य रहेको र मापदण्डकको पालना नभए एक पटक पत्राचार गर्ने नमानेमा बन्द गराउने बताए । ‘अनुुगमन नभएको होइन दिनैपिच्छे जान सकिदैन् ।
मापदण्ड विपरितका छन भने लिखत रुपमा हामीले दिएका पनि छौं त्यो पुुरा गरेनन भने हामी बन्द गराउन पनि सक्छौं’ उनले भने ‘मापदण्ड विपरित छन भने गुनासोको आधामा हामीले कारवाहि गर्छौ । घरेलु, स्थानीय कहाँ दर्ता भएको छ त्यहाँ हामीले खबर गर्छौ ।’
पोखरा महानगरपालिका ६ का वडा अध्यक्ष विष्णुबहादु भट्टराईले पोखरालाई सुरुमा पर्यटकीय राजनधानि नगराउन माथिबाटै खेल खेलेपनि त्यो सम्भव नभएको र आज पर्यटकीय राजधानी बनाउन सकिएको सुनाए ।
पोखरा यस अघिसमेत २४ घण्टा नै खुल्ला हुँदै आएको बताउँदै उनले रात्रिकालिन व्यवसाय २ बजे सम्म खुलाउँदा सबै ठीक रहेको स्पष्ट पारे । धेरैकुरामा वडालाई अधिकारबाट बञ्चित गराएको कारण नागरिकको गुनासोको
नेपाल प्रहरी राजमार्ग सुरक्षा तथा ट्राफिक व्यवस्थापन गण्डकीका प्रमुख एसपी जनकबहादुर शाहीले ट्राफिक प्रहरीको समस्या समाधान गर्ने बताए । उनले निजि सवारीले आफ्नो प्रयोगभन्दा बाहिर गएर चालएकालाई कारवाहि गरिरहेको र कारवाहिमा नआएकालाई कारवाहिको दायरामा ल्याउने बताए । कार्यक्रममा सहभागि भएका हरुले प्रहरीले राम्रो काम गर्न खोज्दा सरुवा हुनुपरेको र खुलेर काम गर्न नपाएकाले रात्रिकालिन व्यवसायले असुरक्षित बनाइरहेको बताएका थिए ।
प्रतिक्रिया लेख्नुहोस्:-