सामयिक भोज खाएर बिरामी भएका ३१ जना मध्ये एकजनाको मृत्यु

लमजुङमा सामुदायिक भोज खाएर बिरामी परेकामध्ये एकजनाको मृत्यु भएको छ ।
बेसिशहर नगरपालिका पुरानोकोट घर भई हाल सुन्दरबजार नगरपालिका ९ बस्ने ३२ बर्षिय देवी परियारको गयराती अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
सुन्दरबजार नपा– ८ स्थित क्षेत्र बहादुर गुरुङको घरमा शुक्रबार बेलुका क्रिसमसको अवसरमा सामूहिक भोज खाएका ४ करिब ४० जना सहभागी भएका थिए ।
भोजमा सहभागी सुन्दरबजार ८ र ९ का व्यक्तिहरु शनिबार देखी नै विरामी पर्न थालेका थिए । बिरामीमा ज्वरो आउने, पखाला लाग्ने, टाउको दुख्ने, बान्ता हुनेलगायत समस्या देखिएको छ ।भोजमा सहभागीहरुले भात, कालो दाल, कुखुराको मासु र मुलाको अचार खाएको सहभागीहरुले जानकारी दिएका छन् ।
बिरामीमा फुड पोइजन भएको अनुमान गरिएको छ । मेडिकलबाट औषधि उपचार गरे पनि ठीक नभएका ३० जनाको सुन्दरबजारस्थित एचडिसिएस नमूना सामूदायिक अस्पतालमा थप उपचार भइरहेको छ । बिरामी मध्ये केहिलाई उपचारका लागी जिल्ला बाहिर रिफर गर्ने तयारी गरिएको अस्पतालले जनाएको छ ।