परमेश्वरको मण्डली विश्व सुसमाचार समाज गण्डकी प्रदेशको आयोजनामा चिप्लेढुङ्गा देखि पोखरा रंगशाला सम्म सफाइ अभियान सम्मान भएको छ ।
पोखरा सभागृहचोक, न्युरोड, महेन्द्रपुल, चिप्लेढुङ्गा, नयाँबजार, पृथ्वीचोक, बसपार्क पोखरा रंगशाला लगायतका ठाउँमा सफाइ गरिएको हो ।
सफाइ अभियानलाई सम्बोधन गर्दा गण्डकी प्रदेश सरकार प्रदेश सभा सदस्य प्रकाश बरालले धर्मले कसैलाई अपमान नगर्ने । तर समाज अहिले द्वन्द्वमा रहेको छ । भौतिक सफाइ संगै अन्तर मनलाई पनि सफाइ गर्नुपर्ने छ ।
पश्चिमाञ्चल खेलकुद बिकास समिति लेखा प्रमुख डिबी नेपाली रंगशालामा सफाइ अभियान चलाएकोमा धन्यवाद व्यक्त गरे । मण्डली प्रमुख मैमान गुरुङले मण्डली समाज प्रति उत्तरदायित्व हुँदै काम गर्ने बताए ।
सरसफाइ कार्यक्रम संयोजक राजेश लामिछाने राज्यमा अप्ठ्यारो परेको समयमा मण्डली सहयोग गर्दै आएको जानकारी दिए । आगामी दिनमा पनि सहयोग गर्ने धारण राखे ।
पत्रकार सुष्मा पौडेलले मानविय धर्ममा लाग्नु आवस्यक रहेको बताईन् । समाजमा सेवा गर्न लाग्नु भएकोमा धन्यवाद दिईन् ।
प्रगती आमा समूहको अध्यक्ष कुलमाया क्षेत्री पौडेल सामाजिक कार्यमा अघि बढ्न शुभकामना दिईन् । सफाइ अभियानमा करिब ६ सय जना सहभागी थिए ।
मण्डलीको ७ हजार ५ सय २१ औ अभियान अन्तरगत सफाइ गरिएको हो । मण्डलीले यश अघि भुकम्प, बाढी पहिलो लगायतका प्रकृतिक प्रकोप, रक्तदान लगायतका कार्यक्रम गर्दै आएको छ । सुख प्रसाद राइ (खुसी)ले कार्यक्रम चलाएका थिए ।
प्रतिक्रिया लेख्नुहोस्:-