‘आइ लेन्स’ प्रयोग गरी क्यासिनोमा ठगी गर्ने ४ भारतीय कारागार चलान

काठमाडौं । काठमाडौंको क्यासिनामो आँखामा आइ लेन्स लगाइ ठगि गर्ने मध्ये ४ भारतीय नागरिक पुर्पक्षका लागि कारागार चलान भएका छन् ।
महानगरपालिका वडा नं. २६ ठमेलस्थित छाँया सेन्टरमा रहेको वाल्डो डाइनास्टे इन्टरटेनमेन्ट प्राइभेट लिमिटेड क्यासिनामो तास र आँखामा लेन्सको प्रयोग गरि ठगि गर्नेहरुलाई कारागार चलान गरिएको हो ।

( तस्वीर एआइ बाट बनाइएको सांकेतिक हो ।)

ठगिको आरोपमा प्रहरीले ७ जनालाई पक्राउ गरेको थियो । बुधबार अदालतको आदेशअनुसार पुर्पक्षका लागि कारागार चलान हुनेमा भारत उत्तर पश्चिम दिल्ली, रोहिणी सेक्टर–१७ का ५७ वर्षीय सुरेश महाजन, उत्तराखण्ड विकासनगर देहरादूनका ३९ वर्षीय प्रमोद मौर्य, देहरादूनकै ३२ वर्षीय विक्रम सिंह, हरियाणा प्रदेशकर्नाल जिल्ला किशानवस्ती निलोखेरीका ३७ वर्षीय दिनेश वर्मा पुर्पक्षका लागि कारागार चलान भएका हुन् ।
यस्तै सुनसरी रामधुनी नगरपालिका–८ की ३५ वर्षीया चिजा खड्का र काठमाडौं जिल्ला टोखा नगरपालिका–८ बानियाटारकी ४० वर्षीया भवानी पाण्डे जनही १ लाख रुपैयाँ धरौटी तिरेर छुटेका छन् ।
क्यासिनो सञ्चालकसमेत रहेका ७५ वर्षीय चिनियाँ नागरिक चान मन चिङ पाँच लाख रुपैयाँ धरौटीमा रिहा भएका छन् ।

सम्बन्धित समाचार https://gandakipress.com/2025/12/24/15291/