पोखरा । स्थानीय शिक्षा योजना कार्यन्वयनमा स्थानीय तहको क्षमता अभिवृद्धि गर्न कार्यशाला आयोजना गरिएको छ ।
युनेस्को नेपाल र शिक्षा तथा मानव संसाधन विकास केन्द्रले कार्यशालाको आयोजना गरेका हुन् ।
बुधबार पोखरामा सुरु कार्यशाला शुक्रबारसम्म चल्नेछ । स्थानीय शिक्षा योजनाबारे काठमाडौं महानगरपालिका, रौतामाई गाउँपालिका, सहिदनगर नगरपालिका, राक्सिराङ गाउँपालिका, धार्चे गाउँपालिका, बाँसगढी नगरपालिका, चन्दनाथ नगरपालिका र महाकाली नगरपालिकाका प्रतिनिधिले अनुभव आदनप्रदान गर्नेछन् ।
तीन दिने कार्यशालामा स्थानीय सरकारहरूलाई विद्यालय र समुदाय दुवैमा समर्पित उपायहरू लागू गर्न सक्षम बनाउन उदेश्य छ । विद्यार्थीलाई डिजिटल युगमा मिडिया र सूचनाहरूसँग आलोचनात्मक रूपमा संलग्न हुन आवश्यक सीपहरू प्रदान गर्ने लक्ष्य राखेको छ ।
कार्यशालाको उद्घाटनमा गण्डकी प्रदेशकी सामाजिक विकास तथा स्वास्थ्यमन्त्री शुसिला सिंखडाले संघीय सरकारले ल्याएको शिक्षा योजनाले राष्ट्रलाई शैक्षिक विकासतर्फ डो¥याउन भूमिका खेल्ने बताइन् ।
‘यसलाई मान्यता दिँदै यी योजनालाई आकार दिन तीनवटै तहका सरकारबीचको सहकार्य आवश्यक छ । जब तीन तहका शिक्षा योजनाहरू एकसाथ विकसित र अगाडि बढ्छन् तब अपेक्षित उदेश्यलाई व्यावहारिक बनाउनेछ’, उनले भनिन् ।
नेपालमै गरिखाने जनशक्ति उत्पदानमा अबको शिक्षा प्रणालीले सघाउनुपर्ने उनको भनाइ छ ।
काठमाडौं महानगरपालिकाकी उपमेयर सुनिता डंगोलले बालबालिका साइबर बुलिङ, घृणित भाषण र अनलाइन यौन शोषणमा परेको उल्लेख गरिन् । ‘बालबालिका डिजिटल मिडियामार्फत प्राप्त सूचनाको तथ्य जाँच्ने सीपको कमी हुन्छ । यसले गर्दा गलत सूचनाको सिकार हुन्छन् ।’
विद्यालयमै मिडिया र सूचना साक्षरताको बारेमा बालबालिकालाई जानकारी गराउनुपर्ने उनको भनाइ थियो ।
'समाजको ऐना, हामी सत्यमा विश्वास गर्छौं।' गण्डकी प्रेस पोखराबाट सञ्चालित अनलाइन न्युज पोर्टल हो । यस न्युज पोर्टल मार्फत हाम्रो समाज हुने गरेका विकृति, विसंगति, सामाजिक विषयवस्तु, विकास एवं विभिन्न घटनाहरुको सम्प्रेषण गर्दै समुदायलाइ सु-सुचित गर्ने हाम्रो उदेश्य हो ।
गण्डकी प्रेस प्रा.लि. द्वारा संचालित
सूचना तथा प्रशारण विभाग दर्ता नं. २६१४/०७७-०७८
प्रतिक्रिया लेख्नुहोस्:-